काठमाडौं: पोर्चुगलका महान् फुटबलर क्रिस्टियानो रोनाल्डोले अन्तर्राष्ट्रिय फुटबलबाट संन्यास लिएका छन्। ४१ वर्षीय रोनाल्डोको बिदाइसँगै पोर्चुगलको जर्सीमा उनको २३ वर्ष लामो गौरवशाली यात्रा समाप्त भएको छ। रोनाल्डोले पोर्चुगलका लागि २३२ खेल खेल्दै कीर्तिमानी १४६ गोल गरेका छन्। उनी पोर्चुगलका सर्वाधिक गोलकर्ता हुन्।

उनकै कप्तानीमा पोर्चुगलले सन् २०१६ मा पहिलोपटक युरोपेली च्याम्पियनसिपको उपाधि जितेको थियो। रोनाल्डोको नेतृत्वमा पोर्चुगलले अन्तर्राष्ट्रिय फुटबलमा ऐतिहासिक सफलता हासिल गरेको थियो। फुटबलका सुपरस्टार रोनाल्डोको अन्तर्राष्ट्रिय करिअरमा पूर्णविराम!पछिल्लो समय नर्वेविरुद्धको नेसन्स लिग खेलमा सहभागी नभएपछि रोनाल्डो टोलीको प्रशिक्षण शिविरबाट बाहिरिएका थिए। उक्त खेलमा पोर्चुगलले नर्वेलाई २–१ गोलले पराजित गरेको थियो।

खेलपछि सहकर्मीहरू समर्थकलाई अभिवादन गर्न मैदानमा पुग्दा रोनाल्डो भने ड्रेसिङ रुममै बसेका थिए। त्यस घटनापछि उनीमाथि अन्तर्राष्ट्रिय खेल प्रतिबन्ध र जरिवाना गरिएको थियो। प्रशिक्षक जोर्गे जेसुससँगको विवादले पनि उनको चर्चा थप चुलिएको थियो।