काठमाडौँ: राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानेन्द्र शाही उपसभामुख चयनको विषयमा राष्ट्रिय स्वतन्त्र पार्टी (रास्वपा) प्रति असन्तुष्ट भएका छन्।
उनका अनुसार, सुरुमा रास्वपाले नै उपसभामुख पदका लागि आफूलाई प्रस्ताव गरेपछि उनले उम्मेदवारी दिने निर्णय गरेका थिए। यद्यपि, पछि रास्वपाले आफ्नो समर्थन अर्कै उम्मेदवारतर्फ मोडेको भन्दै उनले असन्तोष व्यक्त गरेका हुन्।
शाहीले उपसभामुख पद आफूहरूको प्राथमिकता नभएको स्पष्ट पारे पनि संसदको ठूलो दलबाट प्रस्ताव आएको र पुराना तथा परिवर्तन चाहने नयाँ दलहरूबीच ध्रुवीकरण हुने सम्भावना देखेर उम्मेदवारी दिएको बताएका छन्।
उनले पुराना दलहरूले आफूलाई बेवास्ता गर्दै अलग्गै छलफल चलाएको र रास्वपाले सुरुमा समर्थन जनाए पनि पछि पुरानै दलहरूसँग उभिएको आरोप लगाए।
यस घटनाले नेपाली राजनीतिमा देखिने दलहरूको वास्तविक धारणा र सम्बन्ध स्पष्ट भएको उनको भनाइ छ।
त्यसैगरी, उनले केही दलहरू विदेशी प्रभावमा चलिरहेको टिप्पणी गर्दै आफूहरू राष्ट्रवादी धारमा स्पष्ट रूपमा उभिएको दाबी गरेका छन्। साथै, रास्वपाले समर्थन गर्ने वाचा गरेर पछि धोका दिएको आरोप पनि उनले लगाएका छन्।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
