नेपाल प्रिमियर लिग (एनपीएल) क्रिकेटको दोस्रो संस्करण मंसिर १ गतेदेखि सुरु हुने भएको छ। नेपाल क्रिकेट संघ (क्यान)ले सोमबार सार्वजनिक गरेको खेल तालिका अनुसार यसपटक त्रिवि क्रिकेट रंगशालामा फ्लडलाइटको उज्यालोमा पनि खेलहरू हुनेछन्।
उद्घाटन खेलमा साविक विजेता जनकपुर बोल्ट्स र काठमाडौं गोर्खाज आमनेसामने हुनेछन्। यो खेल अपरान्ह ४ बजेबाट सुरु हुने क्यानले जनाएको छ।
यस संस्करणमा लिग चरणका १९ खेल, प्लेअफका ३ खेल र फाइनल गरी जम्मा २३ खेल फ्लडलाइटमा खेलिनेछन्।
त्रिवि क्रिकेट रंगशालामा करिब १० हजार दर्शक क्षमताको पारापिट निर्माण सम्पन्न भइसकेको छ भने फ्लडलाइट जडानको काम अन्तिम चरणमा पुगेको बताइएको छ।
एनपीएलको दोस्रो संस्करणले नेपाली क्रिकेटमा नयाँ जोश र वातावरण ल्याउने अपेक्षा गरिएको छ, विशेषगरी पहिलोपटक राति फ्लडलाइटमा हुने खेलले दर्शकलाई फरक अनुभूति दिने विश्वास गरिएको छ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
