काठमाडौँ : नेपाली क्रिकेटका ‘संकटमोचक’ मानिने अलराउन्डर दीपेन्द्रसिंह ऐरीले आइसिसी विश्वकप लिग-२ मा आफ्नो ब्याटिङको जादुलाई निरन्तरता दिएका छन्।
यूएईविरुद्धको जारी खेलमा ५२ बलमै अर्धशतक पूरा गर्दै उनले आफ्नो खेल जीवनकै उच्च लय (फर्म) लाई प्रमाणित गरेका हुन्।
एकपछि अर्को विकेट पतन भएर दबाबमा परेको नेपाली टोलीलाई दीपेन्द्रले धैर्य र आक्रामकताको सन्तुलन मिलाउँदै सम्हालेका छन्।
कप्तान रोहित पौडेल ९६ रनको अवस्थामा आउट भएपछि मैदान छिरेका उनले ८ सटिक चौका प्रहार गर्दै विपक्षी बलरको मनोबल ध्वस्त पारेका थिए।
यो उनको लगातार तेस्रो अर्धशतक हो; यसअघि उनले यूएईविरुद्ध ७५ र ओमानविरुद्ध ६० रनको सानदार इनिङ खेलेका थिए।
दीपेन्द्रको यो प्रदर्शनले नेपाललाई चुनौतीपूर्ण योगफलतर्फ मात्र डोहोर्याएको छैन, मध्यक्रमको ब्याटिङमा देखिएको अन्योललाई समेत चिर्ने काम गरेको छ।
१८७ रनको अवस्थामा नेपालले संघर्ष गरिरहँदा दीपेन्द्रको ब्याटबाट निस्किएको यो ‘अर्धशतकीय चमक’ खेलको निर्णायक मोड बन्न सक्ने देखिएको छ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
