काठमाडौं:गृहमन्त्री सुधन गुरुङले नागरिकका गुनासा प्रत्यक्ष रूपमा बुझ्ने उद्देश्यले मन्त्रालयमै खुला रूपमा भेटघाट कार्यक्रम सञ्चालन गरेका छन्। यस क्रममा देशका विभिन्न ग्रामीण क्षेत्रबाट आएका सर्वसाधारणले आफ्ना समस्या र पीडा मन्त्रीसमक्ष राख्ने अवसर पाएका थिए।
अधिकांश सहभागीहरूले न्याय प्राप्ति अझै चुनौतीपूर्ण रहेको बताउँदै शक्ति र पहुँच भएकाहरूको पक्षमा मात्र निर्णय हुने प्रवृत्तिप्रति असन्तुष्टि व्यक्त गरे। उनीहरूले राज्यले समान रूपमा न्याय सुनिश्चित गर्नुपर्ने मागसमेत राखे।
कार्यक्रममा सहभागी नागरिकहरूले प्रत्यक्ष रूपमा गृहमन्त्रीसँग संवाद गर्न पाएकोमा सन्तुष्टि जनाए। एक व्यक्तिले भने, “पहिले पनि धेरै मन्त्री आए, तर हाम्रो कुरा सुन्न यसरी समय दिने कमै देखियो। आज हाम्रो आवाज सुन्नुभएकोमा आभारी छौँ।”
गृहमन्त्री गुरुङले नागरिकका गुनासालाई संवेदनशीलताका साथ लिँदै समाधानतर्फ कदम चाल्ने प्रतिबद्धता जनाए। उनले सबै नागरिकलाई न्याय र सेवा पहुँचमा ल्याउने आफ्नो प्राथमिकता रहेको स्पष्ट पारे।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
